0:00
/
1ܐܝܼܢܵܐ ܒܚܵܕَܒ̣ܫܹܒܵܐ ܒܨܲܦܪܵܐ: ܗܵܠܵܐ ܚܸܫܟܵܐ؛ ܐ݇ܬܹܐܠܗܘܿܢ ܠܒܹܝܬ ܩܒ̣ܘܼܪܵܐ: ܘܡܘܼܬَܝܹܠܗܘܿܢ ܗܹܪ̈ܘܿܡܹܐ ܐܵܢܝܼ ܕܗܘܼܕܪܹܐ ܗ݇ܘܵܘ. 2ܘܡܘܼܫَܟ̰ܸܚܠܗܘܿܢ ܠܟܹܐܦܵܐ ܡܘܼܚܕܸܪܵܐ ܡ̣ܢ ܒܹܝܬ ܩܒ̣ܘܼܪܵܐ. 3ܘܥܒܼܸܪܗܘܿܢ ܘܠܵܐ ܡܘܼܫَܟ̰ܸܚܠܗܘܿܢ ܠܦܲܓ̣ܪܵܐ ܕܡܵܪܲܢ ܝܼܫܘܿܥ. 4ܘܗَܘܹܐ ܠܵܗ̇ ܟܲܕ ܐܵܢܝܼ ܥܘܼܓ̰ܒܹܐ ܗ݇ܘܵܘ ܥܲܠ ܕܐܵܗܵܐ: ܗܵܐ: ܬܪܹܝ ܐ݇ܢܵܫܹ̈ܐ ܟܠܹܠܗܘܿܢ ܠܥܸܠܸܠ ܡܸܢܵܝܗܝ ܒܠܒܸܫܬܵܐ ܡܲܒܪܸܩܵܢܬܵܐ. 5ܘܗَܘܹܐܠܗَܘܿܢ ܒܙܕܘܿܥܬܵܐ: ܘܡܘܼܟܸܦܠܗܘܿܢ ܦܵܬܵܝܗܝ ܠܐܲܪܥܵܐ: ܘܐܵܡܪܝܼ ܐܸܠܵܝܗܝ: ܩܵܡܘܿܕܝܼ ܒܸܛܲܥܝܵܐ ܝܬܘܿܢ ܠܚܵܝܵܐ ܓܵܘ ܡܝܼܬܹ̈ܐ. 6ܠܹܐ ܝܠܹܗ ܠܲܐܟ̣ܵܐ: ܩܝܼܡܵܐ ܝܠܹܗ. ܕܟ̣ܘܿܪܘܿܢ ܕܗܘܼܡܙܸܡܠܹܗ ܥܲܡܵܘܟ̣ܘܿܢ ܟܲܕ ܗ̇ܘ ܒܓܠܝܼܠܵܐ ܗ݇ܘܵܐ. 7ܘܐَܡܝܼܪܹܗ: ܕܘܵܓ̰ܸܒ ܝ݇ܠܵܗ̇ ܕܒܪܘܿܢܹܗ ܕܐ݇ܢܵܫܵܐ ܦܵܐܹܫ ܣܘܼܦܝܵܐ ܒܐܝܼܕܵܬܹ̈ܐ ܕܐ݇ܢܵܫܹ̈ܐ ܚܲܛܵܝܹ̈ܐ: ܘܦܵܐܹܫ ܙܩܝܼܦܵܐ: ܘܒܝܵܘܡܵܢܹ̈ܐ ܕܬܠܵܬَܐ ܩܵܝܸܡ. 8ܘܐܵܢܝܼ ܕܟܸܪܗܘܿܢ ܠܗܹܡܸܙܡܵܢܘܼ̈ܗܝ. 9ܘܕܸܪܗܘܿܢ ܡ̣ܢ ܩܲܒ̣ܪܵܐ: ܘܗܘܼܩܹܠܗܘܿܢ ܐܲܢܹܐ ܟܠܵܝܗܝ ܠܚܲܕܸܥܣܲܪ ܘܠܟܠܵܝܗܝ ܐ݇ܚܹܪ̈݇ܢܹܐ. 10ܐܝܼܢܵܐ ܝܼܗ݇ܘܵܘ ܡܲܪܝܲܡ ܡܲܓ̣ܕܠܵܝܬܵܐ: ܘܝܘܿܚܲܢ: ܘܡܲܪܝܲܡ ܝܸܡܹܗ ܕܝܲܥܩܘܿܒ̣: ܘܐ݇ܚܹܪ̈݇ܢܹܐ ܕܥܲܡܵܝܗܝ: ܕܡܘܼܕܸܥܠܘܿܢ ܐܲܢܹܐ ܠܫܠܝܼܚܹ̈ܐ. 11ܘܦܸܫܠܗَܘܿܢ ܚܸܙܝܹܐ ܒܥܲܝܢܵܝ̈ܗܝ ܐܲܢܹܐ ܗܹܡܸܙܡܵܢܵܝ̈ܗܝ ܐܲܝܟܼ ܒܵܛܝܼ̈ܠܹܐ: ܘܠܵܐ ܗܘܼܡܸܢܘܿܢ ܐܸܠܵܝܗܝ. 12ܐܝܼܢܵܐ ܟܹܐܦܵܐ ܩܸܡܠܹܗ ܘܪܚܸܛܠܹܗ ܠܩܲܒ̣ܪܵܐ: ܘܟܸܦܠܹܗ ܚܙܹܐܠܹܗ ܟܸܬܵܢܹ̈ܐ ܡܘܼܬܒܹܐ ܒܢܲܦ̮ܫܵܝܗܝ: ܘܐَܙܸܠܹܗ ܥܵܓ̰ܘܼܒܹܐ ܒܓܵܢܹܗ ܥܲܠ ܡܸܢܕܝܼ ܕܗَܘܹܐܠܹܗ. 13ܘܗܵܐ: ܬܪܹܝ ܡܸܢܵܝܗܝ ܒܗ̇ܘ ܝܵܘܡܵܐ ܒܹܐܙܵܠܵܐ ܗ݇ܘܵܘ ܠܡܵܬܵܐ ܕܫܸܡܵܗ̇: ܥܲܡܵܐܘܿܣ: ܘܪܸܚܩܵܐ ܡ̣ܢ ܐܘܿܪܸܫܠܸܡ ܐܸܫܬܝܼ ܐܸܣܛ̈ܕܵܘܵܬܵܐ. 14ܘܐܵܢܝܼ ܗܲܡܙܘܼܡܹܐ ܗ݇ܘܵܘ ܚܲܕَ ܥܲܡ ܕܗ̇ܘ ܐ݇ܚܹܪ݇ܢܵܐ: ܥܲܠ ܕܐܲܢܹܐ ܟܠܵܝܗܝ ܕܩܘܼܘܸܡܠܗܘܿܢ. 15ܘܗَܘܹܐ ܠܵܗ̇: ܟܲܕ ܐܵܢܝܼ ܗܲܡܙܘܼܡܹܐ ܗ݇ܘܵܘ ܘܒܵܩܘܿܪܹܐ ܚܲܕَ ܡܗ̇ܘ ܐ݇ܚܹܪ݇ܢܵܐ: ܕܝܼܫܘܿܥ ܒܓܵܢܹܗ ܩܘܼܪܒܸܢܹܗ: ܘܚܕܸܪܹܗ ܥܲܡܵܝܗܝ. 16ܘܥܲܝܢܵܝ̈ܗܝ ܕܒ̣ܝܼܩܹܐ ܗ݇ܘܵܘ: ܕܠܵܐ ܝܵܕܥܝܼ ܗ݇ܘܵܘ ܠܹܗ. 17ܘܐَܡܝܼܪܹܗ ܐܸܠܵܝܗܝ: ܡܘܼܕܝܼ ܝܢܵܐ ܐܲܢܹܐ ܗܹܡܸܙܡܵܢܹ̈ܐ ܕܗܲܡܙܘܼܡܹܐ ܝܬܘܿܢ ܚܲܕَ ܥܲܡ ܕܗ̇ܘ ܐ݇ܚܹܪ݇ܢܵܐ: ܟܲܕ ܒܸܚܕܵܪܵܐ ܝܬܘܿܢ ܘܦܫܝܼܡܹܐ ܝܬܘܿܢ. 18ܘܓ̰ܘܼܘܸܒܠܹܗ ܚܲܕَ ܡܸܢܵܝܗܝ ܕܫܸܡܹܗ ܩܲܠܝܘܿܦܵܐ: ܘܐَܡܝܼܪܹܗ ܐܸܠܹܗ: ܐܲܢَܬ ܒܢܲܦ̮ܫܘܼܟ ܡܵܫܵܚܲܛ ܝܼܘܸܬ ܓܵܘ ܐܘܿܪܸܫܠܸܡ ܕܠܹܐ ܝܘܸܬ ܒܝܼܕܵܥܝܵܐ ܡܸܢܕܝܼ ܕܗَܘܹܐܠܹܗ ܓܵܘܘܼܗ̇ ܒܐܲܢܹܐ ܝܵܘܡܵܢܹ̈ܐ. 19ܐܵܡܸܪ ܐܸܠܵܝܗܝ: ܡܘܼܕܝܼ: ܐܵܡܪܝܼ ܐܸܠܹܗ: ܒܘܼܬ ܕܝܼܫܘܿܥ: ܗ̇ܘ ܕܡ̣ܢ ܢܵܨܪܲܬ: ܐ݇ܢܵܫܵܐ ܕܝܼܗ݇ܘܵܐ ܢܒ̣ܝܼܵܐ: ܘܚܲܝܠܵܢܵܐ ܒܗܹܡܸܙܡܵܢ ܘܒܦܘܼܠܚܵܢܵܐ ܩܵܕَܡ ܐܲܠܵܗܵܐ ܘܩܵܕَܡ ܟܠܹܗ ܛܵܝܸܦܵܐ. 20ܘܕܵܐܟ̣ܝܼ ܣܘܼܦܹܠܗܘܿܢ ܐܸܠܹܗ ܓܘܼܪ̈ܵܢܹܐ ܕܟܵܗܢܹ̈ܐ ܘܪܹ̈ܫܵܢܹܐ ܕܝܸܢ ܠܕܝܼܘܵܢ ܕܡܵܘܬܵܐ: ܘܙܩܸܦܠܗܘܿܢ ܐܸܠܹܗ. 21ܐܝܼܢܵܐ ܐܲܚܢܲܢ ܒܗܹܒ̣ܝܼ ܝܘܵܚ ܗ݇ܘܵܘ ܕܐܵܗܵܐ ܗ݇ܘܵܐ ܗ̇ܘ ܕܗܕܝܼܪܵܐ ܗ݇ܘܵܐ ܕܦܵܪܸܩ ܠܝܼܣܪܵܝܹܠ. ܐܸܠܵܐ ܥܲܡ ܕܐܲܢܹܐ ܟܠܵܝܗܝ: ܐܵܗܵܐ ܝܵܘܡܵܐ ܕܬܠܵܬَܐ ܡ̣ܢ ܕܐܲܢܹܐ ܟܠܵܝܗܝ ܗَܘܹܐܠܗَܘܿܢ. 22ܐܝܼܢܵܐ ܐܘܼܦ ܒܟ̣ܬܵܬܹ̈ܐ ܡܸܢܲܢ ܩܲܡ ܡܲܥܓ̰ܸܒܝܼ ܠܲܢ: ܣܵܒܵܒ ܕܩܘܼܕܸܡܠܗܘܿܢ ܠܒܹܝܬ ܩܒ̣ܘܼܪܵܐ. 23ܘܟܲܕ ܠܵܐ ܡܘܼܫَܟ̰ܸܚܠܗܘܿܢ ܠܦܲܓ̣ܪܹܗ: ܐ݇ܬܹܐܠܗܘܿܢ: ܐَܡܸܪܗܘܿܢ: ܕܚܸܙܘܵܐ ܕܡܲܠܲܐܟܹ̈ܐ ܚܙܹܐܠܗܘܿܢ: ܕܐَܡܸܪܗܘܿܢ ܕܚܵܝܵܐ ܝܠܹܗ. 24ܘܐܘܼܦ ܐ݇ܢܵܫܹ̈ܐ ܡܸܢܲܢ ܐَܙܸܠܗܘܿܢ ܠܒܹܝܬ ܩܒ̣ܘܼܪܵܐ: ܘܡܘܼܫَܟ̰ܸܚܠܗܘܿܢ ܗܲܕܟ̣ܵܐ ܕܵܐܟ̣ܝܼ ܕܐَܡܸܪܗܘܿܢ ܒܲܟ̣ܬܵܬܹ̈ܐ: ܐܝܼܢܵܐ ܐܸܠܹܗ ܠܵܐ ܚܙܹܐܠܗܘܿܢ. 25ܘܐَܡܝܼܪܹܗ ܐܸܠܵܝܗܝ: ܝܵܐ ܟܝܼܡ ܚܝܼܵܠ ܘܝܵܩܘܿܪܹ̈ܐ ܒܠܸܒܵܐ ܠܗܲܡܘܼܢܹܐ ܠܟܠܵܝܗܝ ܐܵܢܝܼ ܕܗܘܼܡܙܸܡܠܗܘܿܢ ܢܒ̣̈ܝܹܐ. 26ܠܹܐ ܗ݇ܘܵܐ ܘܵܓ̰ܸܒ ܕܩܵܒܸ̇ܠ ܗ݇ܘܵܐ ܐܲܢܹܐ ܡܫܝܼܚܵܐ: ܘܕܥܵܒܼܸܪ ܠܬܸܫܒܘܿܚܬܹܗ. 27ܘܫܘܼܪܹܐܠܹܗ ܡ̣ܢ ܡܘܼܫܹܐ ܘܡ̣ܢ ܟܠܵܝܗܝ ܢܒ̣̈ܝܹܐ: ܘܦܘܼܫܸܩܠܹܗ ܐܸܠܵܝܗܝ ܒܘܼܬ ܕܓܵܢܹܗ ܡ̣ܢ ܟܠܵܝܗܝ ܟܬܵܒܹ̈ܐ. 28ܘܩܘܼܪܒܸܢܹܗ ܗ݇ܘܵܘ ܠܡܵܬܵܐ: ܗ̇ܝ ܕܒܹܐܙܵܠܵܐ ܗ݇ܘܵܘ ܐܸܠܵܗ̇: ܘܗ̇ܘ ܡܘܼܚܫܸܒ̣ܠܹܗ ܐܲܝܟܼ ܕܠܕܘܼܟܵܐ ܒܘܼܫ ܪܸܚܩܵܐ ܒܹܐܙܵܠܵܐ ܗ݇ܘܵܐ. 29ܘܡܘܼܠܝܸܨܠܗܘܿܢ ܐܸܠܹܗ: ܒܹܐܡܵܪܵܐ: ܦܘܼܫ ܠܟܸܣܠܲܢ: ܣܵܒܵܒ ܩܘܼܪܒܵܐ ܝܠܹܗ ܪܲܡܫܵܐ ܘܟܝܼܦܵܐ ܝܠܹܗ ܝܵܘܡܵܐ. ܘܥܒܼܸܪܹܗ ܕܦܵܐܹܫ ܠܟܸܣܠܵܝܗܝ. 30ܘܗَܘܹܐ ܠܵܗ̇ ܕܟܲܕ ܝܬܸܒ̣ܠܹܗ ܠܨܘܼܦܪܵܐ ܥܲܡܵܝܗܝ: ܫܩܸܠܹܗ ܠܲܚܡܵܐ: ܘܒܘܼܪܸܟ̣ܠܹܗ: ܘܩܨܹܠܹܗ: ܘܝܘܼܗَܒܼܸܠܹܗ ܐܸܠܵܝܗܝ. 31ܘܦܸܫܠܗَܘܿܢ ܦܬܝܼܚܹܐ ܥܲܝܢܵܝ̈ܗܝ: ܘܝܕܸܥܠܗܘܿܢ ܐܸܠܹܗ. ܘܐ݇ܚܹܪ݇ܢܵܐ ܠܵܐ ܚܙܹܐܠܗܘܿܢ ܐܸܠܹܗ. 32ܘܐܵܡܪܝܼ ܗ݇ܘܵܘ ܚܲܕَ ܠܗ̇ܘ ܐ݇ܚܹܪ݇ܢܵܐ: ܠܹܐ ܗ݇ܘܵܐ ܠܸܒܢ ܒܸܩܝܵܕܵܐ ܒܓܵܘܲܢ: ܟܲܕ ܗܲܡܙܘܼܡܹܐ ܗ݇ܘܵܐ ܥܲܡܲܢ ܒܐܘܼܪܚܵܐ: ܘܦܵܫܘܿܩܹܐ ܐܸܠܲܢ ܟܬܵܒܹ̈ܐ. 33ܘܩܸܡܠܗَܘܿܢ ܒܗ̇ܝ ܣܵܥܲܬ ܘܕܸܪܗܘܿܢ ܠܐܘܿܪܸܫܠܸܡ: ܘܡܘܼܫَܟ̰ܸܚܠܗܘܿܢ ܠܚܲܕܸܥܣܲܪ ܓ̰ܸܡܥܝܹܐ: ܘܠܐܵܢܝܼ ܕܥܲܡܵܝܗܝ. 34ܟܲܕ ܒܹܐܡܵܪܵܐ: ܒܫܲܪܝܼܪܘܼܬܵܐ ܩܝܼܡܵܐ ܝܠܹܗ ܡܵܪܲܢ: ܘܦܸܫܠܹܗ ܚܸܙܝܵܐ ܠܫܸܡܥܘܿܢ. 35ܘܐܘܼܦ ܐܵܢܝܼ ܗܘܼܩܹܠܗܘܿܢ ܐܵܢܝܼ ܕܗَܘܹܐܠܗَܘܿܢ ܒܐܘܼܪܚܵܐ: ܘܕܵܐܟ̣ܝܼ ܦܸܫܠܹܗ ܝܕܸܥܝܵܐ ܐܸܠܵܝܗܝ ܒܩܨܵܝܬܵܐ ܕܠܲܚܡܵܐ. 36ܘܟܲܕ ܐܲܢܹܐ ܗܲܡܙܘܼܡܹܐ ܗ݇ܘܵܘ: ܝܼܫܘܿܥ ܒܓܵܢܹܗ ܟܠܹܐܠܹܗ ܒܓܵܘܵܝܗܝ: ܘܐَܡܝܼܪܹܗ ܐܸܠܵܝܗܝ: ܫܠܵܡܵܐ ܥܲܡܵܘܟ̣ܘܿܢ. 37ܘܐܵܢܝܼ ܚܓ̰ܸܠܗܘܿܢ ܘܗَܘܹܐܠܗَܘܿܢ ܒܙܕܘܿܥܬܵܐ: ܣܵܒܵܒ ܒܸܚܫܵܒ̣ܵܐ ܗ݇ܘܵܘ ܪܘܼܚܵܐ ܒܸܚܙܵܝܵܐ ܗ݇ܘܵܘ. 38ܐܵܡܸܪ ܐܸܠܵܝܗܝ: ܩܵܡܘܿܕܝܼ ܦܝܵܫܵܐ ܝܬܘܿܢ ܫܥܝܼܫܹܐ ܘܩܵܡܘܿܕܝܼ ܒܹܐܣܵܩܵܐ ܝܢܵܐ ܚܘܼܫܵܒܹ̈ܐ ܓܵܘ ܠܸܒܵܘܵܬܵܘ̈ܟ̣ܘܿܢ. 39ܚܙܹܝܡܘܿܢ ܐܝܼܕܵܬܝܼ̈ ܘܐܲܩܠܵܬܝܼ̈: ܕܐܵܢܵܐ ܝܘܸܢ. ܦܲܠܬܸܫܘܿܢ ܠܝܼ: ܘܝܕܸܥܡܘܿܢ: ܣܵܒܵܒ ܪܘܼܚܵܐ ܒܸܣܪܵܐ ܘܓܲܪ̈ܡܹܐ ܠܲܝܬ ܠܵܗ̇: ܐܲܝܟܼ ܕܒܸܚܙܵܝܵܐ ܝܬܘܿܢ ܐܵܢܵܐ ܐܝܼܬ ܠܝܼ. 40ܘܟܲܕ ܐܲܢܹܐ ܐَܡܝܼܪܹܗ: ܡܘܼܚܙܹܐܠܹܗ ܐܸܠܵܝܗܝ ܐܝܼܕܵܬܘܼ̈ܗܝ ܘܐܲܩܠܵܬܘܼ̈ܗܝ. 41ܘܟܲܕ ܗܵܠܵܐ ܠܹܐ ܗ݇ܘܵܘ ܗܘܼܡܸܢܹܐ ܡ̣ܢ ܚܲܕܘܼܬܵܝܗܝ: ܘܥܵܓ̰ܘܿܒܹܐ ܗ݇ܘܵܘ: ܐَܡܝܼܪܹܗ ܐܸܠܵܝܗܝ: ܐܝܼܬ ܠܵܘܟ̣ܘܿܢ ܡܸܢܕܝܼ ܠܲܐܟ̣ܵܐ ܠܹܐܟ̣ܵܠܵܐ. 42ܘܝܸܗܒܸܠܗܘܿܢ ܐܸܠܹܗ ܣܵܡܵܐ ܡ̣ܢ ܢܘܼܢܵܐ ܛܘܼܘܝܼܬܵܐ: ܘܡ̣ܢ ܫܵܢܵܐ ܕܕܸܒ̣ܫܵܐ. 43ܘܫܩܸܠܹܗ ܐܟܸܠܹܗ ܩܵܕَܡ ܥܲܝܢܵܝ̈ܗܝ. 44ܘܐَܡܝܼܪܹܗ ܐܸܠܵܝܗܝ: ܐܲܢܹܐ ܝܢܵܐ ܗܹܡܸܙܡܵܢܹ̈ܐ ܕܗܘܼܡܙܸܡܠܝܼ ܥܲܡܵܘܟ̣ܘܿܢ ܟܲܕ ܠܟܸܣܠܵܘܟ̣ܘܿܢ ܝܼܘܸܢ ܗ݇ܘܵܐ: ܕܘܵܓ̰ܸܒ ܝ݇ܠܵܗ̇ ܕܦܵܐܹܫ ܬܘܼܡܸܡܵܐ ܟܠ ܡܸܢܕܝܼ ܕܝܼܠܹܗ ܟܬܝܼܒ̣ܵܐ ܒܢܵܡܘܿܣܵܐ ܕܡܘܼܫܹܐ: ܘܒܢܒ̣̈ܝܹܐ: ܘܒܡܲܙܡܘܿܪܹ̈ܐ: ܒܘܼܬ ܕܝܼܝܼ. 45ܗ̇ܝܓܵܗ ܦܬܸܚܠܹܗ ܚܝܼܵܠܵܝܗܝ ܠܦܲܪܡܘܼܝܹܐ ܟܬܵܒܹ̈ܐ. 46ܘܐَܡܝܼܪܹܗ ܐܸܠܵܝܗܝ: ܗܲܕܟ̣ܵܐ ܟܬܝܼܒ̣ܵܐ. ܕܩܵܒܸ̇ܠ ܚܲܫܵܐ ܡܫܝܼܚܵܐ: ܘܕܩܵܝܸܡ ܡ̣ܢ ܡܝܼܬܹ̈ܐ. 47ܒܝܵܘܡܵܐ ܕܬܠܵܬَܐ. ܘܕܦܵܝܫܝܼ ܡܘܼܟܪܸܙܹܐ ܒܫܸܡܹܗ ܬܝܵܒ̣ܘܼܬܵܐ ܘܫܒ̣ܵܩܵܐ ܕܚܛܝܼܵܬܹ̈ܐ ܒܟܠܵܝܗܝ ܛܵܝܸܦܹ̈ܐ: ܘܫܵܪܵܝܬܵܐ ܗܵܘܝܵܐ ܡ̣ܢ ܐܘܿܪܸܫܠܸܡ. 48ܐܲܚܬܘܿܢ ܣܵܗܕܹ̈ܐ ܝܬܘܿܢ ܕܐܲܢܹܐ. 49ܘܗܵܐ: ܐܵܢܵܐ ܒܸܬ ܫܵܕܪܸܢ ܥܲܠܵܘܟ̣ܘܿܢ ܩܵܘܠܵܐ ܕܒܵܒܝܼ: ܐܝܼܢܵܐ ܐܲܚܬܘܿܢ ܥܲܪܩܸܠܗܘܿܢ ܓܵܘ ܡܕܝܼܢَܬܵܐ: ܗܲܠ ܕܠܵܒ̣ܫܝܼܬܘܿܢ ܚܲܝܠܵܐ ܡ̣ܢ ܪܵܘܡܵܐ. 50ܘܦܘܼܠܛܵܝܠܹܗ ܗܲܠ ܒܹܝܬ ܥܲܢܝܵܐ: ܘܡܘܼܪܸܡܠܹܗ ܐܝܼܕܵܬܘܼ̈ܗܝ ܘܒܘܼܪܟ̣ܵܝܠܹܗ. 51ܘܗَܘܹܐ ܠܵܗ̇ ܟܲܕ ܒܵܪܘܿܟ̣ܵܝܗܝ ܗ݇ܘܵܐ: ܦܸܫܠܹܗ ܦܪܝܼܫܵܐ ܡܸܢܵܝܗܝ: ܘܦܸܫܠܹܗ ܡܘܼܣܩܵܐ ܠܫܡܲܝܵܐ. 52ܘܐܵܢܝܼ ܣܓܸܕܠܗܘܿܢ ܐܸܠܹܗ: ܘܕܸܪܗܘܿܢ ܠܐܘܿܪܸܫܠܸܡ ܒܚܲܕܘܼܬܵܐ ܓܘܼܪܬܵܐ. 53ܘܒܟܠ ܙܲܒ̣ܢܵܐ ܓܵܘ ܗܲܝܟܠܵܐ ܗ݇ܘܵܘ: ܫܵܒܘܿܚܹܐ ܘܒܸܚܩܵܪܵܐ ܠܐܲܠܵܗܵܐ. ܐܵܡܹܝܢ.